Приспѣвшу же четвертку авгус(та) 19 день, память с(вятаго) Пимина Отходника, восхотев к(ня)зь Дмитрий Иванович изыити против безбожных печенѣгъ. И поем со собою брата своего Володимера Андреевича и ста въ церкви с(вятыя) Богородица пред образом Господнимъ, пригнувъ руцѣ к персемъ своим, источ- никъ слез проливаючи, моляся, рече[Е, Я на поле м(о)л(итва) до Христа.]: «Владыко страшный и крепкий, воистинну бо еси царъ славы, помилуй нас грешных, егда унываем, к тебѣ, единому, прибегаем, нашему спасителю и благодателю, твоею рукою созданны есмы. Но вѣм, Господи, яко согрешения моя возыидоша ми на главу мою, не остави нас и не отступи от нас. Суди, Господи, обидящим мя и возбрани борущимся со мною, приими оружие и щит и стани во помощъ мнѣ. И дай же ми, Господи, победу на враги противныя, да и тыи познаютъ славу твою». И пакы прииде ко чюдотворному образу госпожѣ царицѣ владычицѣ Богородиц[Е, Я на поле м(о)л(итва) до пресвятой Богородицы.] юже Лука еуангелист живъ написа, рече: «Госпоже чюдотворнаа царице, владычице Богородице, всея твари помощнице человеческая и заступнице, тобою познахом истиннаго Бога, воплощшагося и рождшагося ис тебе. Не дай же, Госпоже, в разорение града нашего поганым, да не осквернят святых твоих церквий и вѣры християн- ския. И моли Сына своего Христа, Бога нашего, да Господь смирить сердце врагом нашим, да не будет рука их высока. И свою, Госпоже, помощъ поели с нами, нетленною своею ризою покрый нас, да не страшливы будем ранам, на тя надеемся и тобою ся хвалим, пречистая, иже в молитвѣ сы, яко твои есмы раби. Вѣм бо, Госпоже, аще хощеши, можеши нам помощи на сопротивныа враги, иже не призывают святого ти имени. Мы же, Госпоже, на тебѣ ся надѣем и на твою помощь на противныя //л.298, об., враги, подвизаемся[Испр. по У. Е, Я подвизайся.] против безбожных печенѣг, да будетъ тобою умоленъ Сынъ твой и Богъ нашъ». И паки прииде ко гробу блажен- наго чюдотворца[Е, Я па поле к(ня)зь молится у гробу с(вятого) Петра чудотворного.] Петра, любезно к нему припаде, моляся: «О чюдотворный святителю Петре, по милости Божой чюдодѣеши безпрестанно. И нынѣ приспѣ ти время за нас молитися ко общему владыце. Нынѣ убо на мя ополчишася супостаты поганый, на град твой Москву вооружаются. Тебе нам Господь прояви, последнему роду нашему, вжеглъ тя нам свѣщу світлу на свѣщнице высоцѣ. Тобі подобает о нас молитися, да не приидет на нас рана смертная, и рука грѣшнича да не погубит нас. Ты бо еси стражъ нашъ крѣпкий от сопротивных нахождений,[Я наденый, У нападений.] яко твоя паствина». И сконча молитву, поклонися архиепискому. Архиепископ же, благословивъ, отпусти его и дасть ему Христово знамение — крестъ и послав священныя соборы и со крылосы во Фроловския ворота и во Костантиновские ворота и Николские и з живоносными кресты и чудотворными иконы, да всякъ воинъ благословень будет ими.

Княз же вел(икий) Дмитрий со братом своим князем Володимером иде во церковь небесного воеводы архистратига Михаила[Е, Я на поле В церкви с(вятого) Михаила у гробов отцевских молится.] и биша челом[Испр. по Я, У. Е чем.] с(вятому) образу. Приступиша ко гробом православных князей прародителей своих, рекуще: «Истинныи хранителие, православный поборници. Аще имате дерзновение у Господа, помолитеся о наших унынияхъ, яко велико днесь востание приключися намъ, чадом вашим. И нынѣ подвизайтеся с нами». И се рекши, изыидоша из церкве.

Княгини же Овдотиа и княгини Володимерова и иных православныхъ князей княгине со воеводскими женами ту стояще, проводы дѣют во слезах, во восклицании сердцемъ, не могуще слова рещи и отдали вел(икому) князю конечное цѣлование. И прочая княгині и боярині со//своими князми и бояры тако ж цѣлование отдают, возворотишася со великою княгинею.